1395. Juni 5. Grottkau

Wenceslaus dei gracia Episcopus Wratislaviensis Honorabili viro domino Custodi Ecclesie Collegiate Opulie Salutem in domino. Vacante Prepositura Monasterii sancte Marie virginis Sanctimonialium in Czarnowans Ordinis Premonstratensis per privacionem domini fratris Mathie ultimi et immediati Rectoris eiusdem Prepositure, et ipsius demeritis exigentibus destitucionem, Ad presentacionem Venerabilis patris domini Iohannis Abbatis Canonicorum Regularium Monasterii sancti Vincencii Ord. Prem. extra muros Wrat. Iuspatronatus dicte Prepositure obtinentis, Devotum et Religiosum virum dominum Nicolaum de Gane quondam Plebanum in Aptaw, dicti ordinis professum, de eadem investivimus et presentibus investimus, Cura sibi spiritualium et temporalium cum animarum regimine inibi recommissis. Quocirca vobis committimus presentibus et mandamus, Quatenus prefatum dominum Nicolaum in dicte Prepositure possessionem, Iurium et pertinenciarum eius, nostra ducatis auctoritate legittime corporalem, facientes eidem de universis Iuribus fructibus redditibus proventibus et obvencionibus a reddituariis et censitis integre responderi, Quodque sibi sui plebizani, ut animarum suarum Pastori in omnibus obediant et intendant. Datum Grotkaw die quinta Iunii Anno domini M°. ccc°. Nonagesimo quinto, nostro subappenso Sigillo.

Mit anhangendem Wappensiegel. Aus dem Archiv von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.